Մարքեթինգի բաժնի աշխատանք. բիզնեսի ամենահետաքրքիր, ամենանորարար ու ամենահավես մասերից մեկը: Այստեղ աշխատում է կրեատիվ միտքը, այստեղ շատ են գույներն ու տպավորությունները, այստեղ են փորձում պատասխանել մշտական “One Million dollar” հարցին՝ ինչ է ուզում սպառողը: Այս անգամ հյուրընկալվել ենք Ֆիլիպ Մորրիս Արմենիայի մարքեթինգի բաժնի երիտասարդ ու նորարար թիմի կողմից: Եկեք տեսնենք՝ ինչպես են թիմակիցները լուծում բիզնեսի առօրյա խնդիրներ՝ միևնույն ժամանակ պահպանելով պատասխանատու մարքեթինգի հստակ սահմանված գործընթացները:
Մարքեթինգի թիմ լիդ Սոնա Ավետիսյանը հիշում է. երբ նոր էր ընդունվել Ֆիլիպ Մորրիս, իր գործընկերներից մեկի մասին հարցրեց՝ երբ է միացել Ֆիլիպ Մորրիսի ընտանիքին: Պատասխանը առաջին հայացքից զարմանալի էր. “նոր աշխատող է. ընդամենը երկու տարի է, ինչ միացել է թիմին”: Այս տարի բոլորեց երկու տարին, ինչ հենց ինքը՝ Սոնան, աշխատում է Ֆիլիպ Մորրիսում՝ միևնույն ժամանակ իրեն դեռ նորեկ համարելով: Թերևս, հենց սա է գաղտնիքը. լավագույն գործատուի մոտ կարելի է անվերջ սովորել, զարգանալ ու հասնել նորանոր բարձունքների:
Մարքեթինգի թիմում կան նաև ընկերությունում ավելի երկար ժամանակ աշխատող գործընկերներ: Տաղանդների կառավարման համակարգն աշխատում է անխափան. որքան էլ աշխատես, չես լճանա: Միշտ էլ կլինեն նոր մարտահրավերներ, նոր զարգացման ուղիներ ու նոր հաղթանակներ:
Մարքեթինգի բաժնի ղեկավարը՝ Լիլիթ Մաթևոսյանն, արդեն տասը տարի է, ինչ աշխատում է Ֆիլիպ Մորրիսում: Թիմում են նաև Սեդան, Ռիտան, Նարինեն, Էլենը, ովքեր ի սկզբանե ընկերություն են եկել Incompass պրակտիկայի ծրագրով: Վեց ամիս տևող վճարվող պրակտիկան հիանալի հնարավորություն է երիտասարդ մասնագետների համար՝ իրենց կարիերան սկսել միջազգային ընկերության հետ, ծանոթանալ բիզնեսի աշխատանքի սկզբունքներին, առօրյայում սերտ աշխատել միջազգային գործընկերների հետ:
Լիլիթը նշում է, որ թիմի համար մեծ պատիվ է Հայաստանում ներկայացնել միջազգային խոշոր բրենդներ: Թեև Հայաստանը փոքր շուկա է, մարքեթինգի թիմը ներկայացնում է միջազգային ամենահայտնի ընկերություններից մեկը, իսկ դա, անխոս, ոգևորիչ է: Լիլիթի խոսքերով, լավագույնն է ոչ միայն գործատուն, այլև թիմերը, մարդիկ և Ֆիլիպ Մորրիսի աշխատանքային մշակույթը: Ի հեճուկս հայտնի կարծրատիպի, թե իբր մարքեթոլոգները ոչինչ չեն անում, թիմը եռանդուն աշխատում է ամենատարբեր նախագծերի շուրջ:
Եթե բոլոր մարդիկ անհամբեր սպասում են տոներին, մարքեթոլոգները սպասում են՝ երբ են տոներն ավարտվելու՝ կատակում է քոնթենթ մարքեթինգի մասնագետ Էլեն Քոչարյանը։ Մխիթարում են լավ afterparty-ներն ու թիմային հավաքները, ինչի համար վստահորեն արժե օրնիբուն աշխատել:
Մարքեթինգի տասը հոգանոց թիմում չորս մայրիկ կա ու ութ երեխա: Որպես լավագույն գործատու՝ Ֆիլիպ Մորրիս Արմենիան իսկապես ստեղծել է հնարավոր բոլոր պայմանները, որպեսզի աշխատակիցները կարողանան համատեղել աշխատանքն ու անձնական կյանքը: Կարիերայի ու աճի հավասար հնարավորություններ, բժշկական ապահովագրություն աշխատակիցների ու իրենց ընտանիքի անդամների համար, տանից, գրասենյակից կամ ցանկացած այլ վայրից աշխատելու հնարավորություն՝ աշխարհի որ ծայրում էլ լինես: Այս պայմաններում աշխատանքի արդյունավետությունը կախված է միայն աշխատակցի եռանդից ու աշխարհը փոխելու պատրաստակամությունից:
