ԱՄՆ-ի Կոնգրեսի Ներկայացուցիչների պալատը Սենատից հետո ապրիլի 28-ին հավանություն Է տվել Ուկրաինայի համար «լենդ-լիզ»-ի օրինագծին, որը կոչված Է դյուրացնել Կիեւին ռազմական օգնության ցուցաբերումը:
Փաստաթղթին հավանություն Է տվել ձայների ճնշող մեծամասնությունը՝ 417 կողմ եւ 10 դեմ: Այդ մասին վկայում են քվեարկության արդյունքները: «Օրինագիծն ԱՄՆ-ի վարչակազմին իրավունք կտա 2023 ֆինանսական տարվա ընթացքում ռազմական տեխնիկա տրամադրել Ուկրաինային եւ Արեւելյան Եվրոպայի այլ երկրների: Դրա հետ մեկտեղ նման տեխնիկայի տրամադրումը Ուկրաինային առաջվա պես պետք Է իրականացվի այն օրենքներով, որոնք վերաբերում են դրա հետագա վերադարձմանը»,-ասվում Է Կոնգրեսի կայքում զետեղված փաստաթղթին կից նկարագրության մեջ: Ապրիլի 6-ին փաստաթուղթն ընդունվել Է ԱՄՆ-ի Սենատի կողմից: Այժմ օրինագիծը կներկայացվի Սպիտակ տուն՝ նախագահ Ջո Բայդենի ստորագրման համար, հաղորդել Է «Ինտերֆաքս»-ը:
