Չինաստանը հարգում է Լիբիայի ժողովրդի կարծիքը և իշխանության աստիճանական և կայուն հանձնման կոչ է արել: Այս մասին այսօր հայտարարել է Չինաստանի արտաքին գործերի նախարարության ներկայացուցիչը: Նրա խոսքերով` չինական կողմն արդեն կապվել է Ազգային անցումային խորհրդի հետ և քննարկել է նրա հետ այդ հարցը:
«Չինաստանը միշտ նշել է Խորհրդի բացառիկ դերը լիբիական հարցերի կարգավորման գործում և կապեր է պահպանել նրա հետ: Մենք հույս ունենք, որ Լիբիայի կառավարությունն անհրաժեշտ միջոցներ կձեռնարկի և կհամախմբի հակամարող կողմերին, որպեսզի երկրում պահպանվի հասարակական կայունությունը»,- նշել են Չինաստանի արտգործնախարարությունում:
Սա Չինաստանի նմանատիպ առաջին հայտարարությունն է, երբ փաստացի կոչ է արվել փոխանցել իշխանությունն ընդդիմադիր ուժերի և նշվել է Ազգային անցումային խորհրդի բացառիկ դերը: