Ռուսաստանի նախագահ Վլադիմիր Պուտինը հայտարարել է, որ Ռուսաստանի հատուկ ռազմական գործողությունն Ուկրաինայում ընթանում է ըստ պլանի։ Տեղեկանում ենք ТАСС լրատվական գործակալությունից։
Պուտինն ասել է, որ Ուկրաինայում ռուսական հատուկ գործողությունը կիրականացվի «ռիթմիկ և հանգիստ», որպեսզի նվազագույնի հասցվեն կորուստները։
«Ինչ վերաբերում է հենց գործողության ընթացքին, հիմա հարցեր եմ լսում, հնարավո՞ր է ավելի արագ անել դա։ Հնարավոր է։ Սակայն դա կախված է ռազմական գործողությունների ինտենսիվությունից, իսկ ռազմական գործողությունների ինտենսիվությունը, ցավոք, ինչ-որ կերպ կապված է կորուստների հետ։ Մեր խնդիրն է իրականացնել, հասնել դրված բոլոր նպատակներին՝ նվազագույնի հասցնելով կորուստները: Եվ մենք գործելու ենք ռիթմիկ, հանգիստ՝ համաձայն այն պլանի, որն ի սկզբանե առաջարկել էր ՌԴ ԶՈՒ գլխավոր շտաբը։»,-նշել է Պուտինը։
Պուտինն ասել է, որ հատուկ գործողությունը կշարունակվի մինչև ի սկզբանե առաջադրված խնդիրների կատարումը, եթե բանակցություններում ձեռք չբերվեն բոլորի համար ընդունելի պայմանավորվածություններ։