Երեկ Նյու Յորքի դատարանը որոշում է կայացրել Արժույթի միջազգային հիմնադրամի նախկին նախագահ Դոմինիկ Ստրոս Կանի վրայից հանել բոլոր մեղադրանքները: Հիշեցնենք` նա մեղադրվում էր հյուրանոցի սպասուհու դեմ սեռական բնույթի գործողություններ իրականացնելու մեջ: Փաստորեն` Ստրոս Կանի նկատմամբ իրականացվող վարույթն ամբողջությամբ դադարեցվել է:
Դատարանի այս միջնորդությամբ դատարանին դիմել էր դատախազությունը, քանի որ գտել էր, որ սպասուհին ոչ արժանահավատ ցուցմունքներ է տվել դատախազությանը` մի քանի անգամ փոխելով դրանք: Երեկ դատարանը նաև վճռել էր հետ վերադարձնել Դոմինիկ Ստրոս Կանի անձնագիրը, որը նրանից առգրավվել էր` երկիրը լքելու հնարվորությունը քչացնելու համար: Սակայն երեկ ԱՄՆ-ի արևելքում տեղի ունեցած երկրաշարժի և տարհանման պատճառով ամերիկյան համապատասխան ատյանները հնարավորություն չեն ունեցել վերադարձնելու ԱՄՀ նախկին ղեկավարի անձնագիրը:
