Այսօր ՝ ՀՅԴ Հայ դատի և քաղաքական հարցերի գրասենյակի ղեկավար Կիրո Մանոյանը «Առաջին լրատվական»-ի հետ զրույցում հերթական անգամ խոսեց հայ-թուրքական արձանագրություններից մեր ստորագրությունը հետ վերցնելու մասին:
Հիշեցնենք, որ Թուրքիայի հերթական գումարման խորհրդարանից հայ-թուրքական արձանագրությունները դուրս են մնացել:
«800-ից ավելի փաստաթղթերի շարքում է նաև Հայաստան-Թուրքիա արձանագրությունները: Սա պարզապես վկայում է այն անտարբերության մասին, որը Թուրքիան ցուցաբերում է Հայաստան Թուրքիա հարաբերությունների հանդեպ: Դարձյալ ասում ենք՝ ժամանակն է, որ Հայաստանը իր ստորագրությունը հետ վերցնի այդ արձանագրություններից: Այսինքն՝ այս պայմաններում մեր կողմից շարունակել սպասելը շարունակում է նվաստացուցիչ լինել: Սերժ Սարգսյանը անցյալ տարվա ապրիլի 22-ին, երբ կասեցրել էր վավերացման գործընթացը, ասել էր, որ առայժմ ստորագրությունը հետ ենք վերցնում:
Այդ առայժմից անցել է ավելի քան 16 ամիս, և ժամանակն է, որպեսզի այդ ամենը դառնա իրականություն, և Սերժ Սարգսյանը իր ստորագրությունը հետ վերցնի»,- մեզ հետ զրույցում նշեց Կիրո Մանոյանը:
