ՀՀ սփյուռքի գործերի գլխավոր հանձնակատարի գրասենյակը մեկնարկել է «իԳործ» 2022 ծրագրի հայտադիմումների ընդունումը, որը սփյուռքահայ մասնագետներին հնարավորություն է տալիս մեկ տարի աշխատել Հայաստանի պետական կառավարման 20-ից ավելի մարմիններում:: Ծրագիրը բացառիկ հնարավորություն է տալիս սփյուռքահայ մասնագետներին ներդրում ունենալ Հայաստանի պետականաշինության գործում և իրենց փորձն ու գիտելիքները բերել պետական կառավարման ոլորտ: Այս ծրագիրը առավել մեծ կարևորություն է ստանում այսօր, երբ մեր շատ հայրենակիցներ Ուկրաինայում, Ռուսաստանում և այլուր կանգնած են երկընտրանքի առջև, իսկ մեր խնդիրն է նրանց հայացքներն ուղղել Հայաստանի կողմ ու այն դարձնել առավել գրավիչ։ «Առաջին լրատվականը» զրուցել է այդ ծրագրով ԱՄՆ-ից Հայաստան ժամանած և այժմ առողջապահության նախարարությունում որպես փորձագետ աշխատող, համաճարակաբան Թամարա Թադևոսյանի և ՌԴ-ից Հայաստան եկած ու էկոնոմիկայի նախարարությունում որպես փորձագետ աշխատող, սոցիոլոգ Արևիկ Մարգարյանի հետ։