Ադրբեջանական տելեգրամ ալիքներով և սոցիալական ցանցերով տեսանյութ է տարածվում, որտեղ պատկերված է, թե իբր ինչպես են ադրբեջանցի զինվորականները մտել հայկական մարտական դիրքերից մեկը։ Տեսանյութում պնդում է արվում, թե հայ զինվորները հեռացել են դիրքից։ Կոնկրետ ուղղություն, կամ տեղանք չի նշվում։
ՀՀ պաշտպանության նախարարությունից «Առաջին լրատվական»-ի հետ զրույցում կտրականապես հերքեցին մեր զինվորականների կողմից ԶՈՒ մարտական որևէ դիրք լքելու հավանականությունը։
Արցախի պաշտպանության նախարարության մամուլի ծառայությունը նույնպես հերքեց ՊԲ որևէ դիրքի՝ ադրբեջանական վերահսկողության տակ անցնելու հավանականությունը։
Ըստ ամենայնի, գործ ունենք ադրբեջանական քարոզչամեքենայի հերթական և պարզունակ կեղծիքի հետ։