«Վիեննայում բանակցությունները ժամ առ ժամ դժվարանում են՝ ԱՄՆ-ի կողմից քաղաքական լուծման բացակայության պատճառով», – ասել է Իրանի ազգային անվտանգության բարձրագույն խորհրդի քարտուղար Ալի Շամխանին։ «ԱՄՆ-ն չի ձգտում Իրանի հետ կայուն և փոխշահավետ համաձայնության», – հինգշաբթի հայտարարել է Իրանի ազգային անվտանգության բարձրագույն խորհրդի քարտուղար Ալի Շամխանին։ «ԱՄՆ-ի մոտեցումը՝ Իրանի սկզբունքային առաջարկներին անընդունելի առաջարկներ անելը և կեղծ արդարացումներ ներկայացնելը, ցույց են տալիս, որ Միացյալ Նահանգները ցանկություն չունի՝ կողմերի համար տևական և ընդունելի համաձայնության հասնելու», – Շամխանիի խոսքերն է մեջբերում Fars-ը։
Շամխանին ավելի վաղ նախազգուշացրել էր, որ ԱՄՆ-ի ներկայիս վարչակազմը պետք է դասեր քաղի իր նախորդի փորձից և օգտվի լավ գործարք կնքելու հնարավորությունից՝ Վիեննայի բանակցություններից հետո Իրանի դեմ պատժամիջոցները չեղարկելու և 2015-ի միջուկային համաձայնագիրը վերակենդանացնելու համար:
Վիեննայում ընթանում է «Գործողությունների համատեղ համապարփակ ծրագրի» (ԳՀՀԾ) վերականգնման բանակցությունների ութերորդ փուլը՝ նպատակ ունենալով վերականգնել ՀԳՀԾ-ն իր սկզբնական ձևով և ԱՄՆ-ին վերադարձնել այս բազմակողմ համաձայնագրին։ Աշխատանքներն իրականացվում են Իրանի համատեղ հանձնաժողովի և «հնգյակի» (Ռուսաստան, Մեծ Բրիտանիա, Գերմանիա, Չինաստան և Ֆրանսիա) միջև խորհրդակցությունների շրջանակներում, առանձին խորհրդակցություններ ԱՄՆ-ի հետ՝ առանց ԻԻՀ մասնակցության, ինչպես նաև՝ երեք աշխատանքային խմբերի ձևաչափով։
