Հռոմի պապ Ֆրանցիսկոսը կոչ է արել դադարեցնել զինված հարձակումն Ուկրաինայում, և և մարդասիրական միջանցքները երաշխավորվեն։
Ըստ Vatican News-ի՝ կաթոլիկ աշխարհի հոգևոր առաջնորդը համապատասխան կոչն արել է մարտի 6-ին ուխտավորների հետ կիրակնօրյա հանդիպման ժամանակ։
«Ուկրաինայում արյան և արցունքների գետեր են հոսում։ Սա սոսկ ռազմական գործողություն չէ, այլ մահ, ավերածություն և աղքատություն սերմանող պատերազմ։ Գնալով ավելանում են զոհերը, ինչպես նաև փախստականները, հատկապես երեխաներ ունեցող մայրերը։ Այս բազմաչարչար երկրում մարդասիրական աջակցության կարիքը կտրուկ աճում է ժամ առ ժամ»,- ասել է Ֆրանցիսկոսը։
