ԱՄՆ Պետքարտուղար Էնթոնի Բլինքենը հայտարարել է, որ իր գերատեսչությունը պատկերացում չունի, թե երբ կավարտվի պատերազմն Ուկրաինայում, գրում է BBC-ն։
«Ցավոք սրտի, և դա սարսափելի է, բայց, հավանաբար, շուտով չի ավարտվի: Այն ջանքերը, որոնք մենք անում ենք միասին, պետք է շարունակվեն: Դրանք պետք է զարգանան: Մենք պետք է գործենք այնպես, ինչպես ասել է նախագահ Բայդենը, աշխարհի շատ երկրների հետ միասին, որոնք հասկանում են Վլադիմիր Պուտինի արածի այլանդակությունը։
Մենք պետք է շարունակենք մեր ջանքերը, քանի դեռ սա ավարտված չէ։ Քանի դեռ պատերազմը չի ավարտվել, քանի դեռ ռուսական զորքերը դուրս չեն եկել, և ուկրաինացիները ձեռք չեն բերել անկախություն, ինքնիշխանություն և չեն վերականգնել իրենց տարածքային ամբողջականությունը»,- ասել է Պետդեպարտամենտի ղեկավարը։
