Ուկրաինայի արեւելքում Զապորոժիեի ատոմակայանի ուսումնա-վարժական համալիրի շենքում հրդեհը մարվել է: Ինչպես մարտի 4-ին տեղեկացրել է Արտակարգ իրավիճակների պետական ծառայությունը (ԱԻՊԾ), միջադեպի հետեւանքով զոհեր չկան, տեղեկացնում է «Արմենպրես»-ը:
«06:20-ին (Երեւանի ժամանակով 08:20-ին) հրդեհը Էներգոդար քաղաքում Զապորոժեի ատոմակայանի ուսումնա-վարժական համալիրում մարված Է: Զոհեր եւ տուժածներ չկան»,- ասված է ԱԻՊԾ-ի հաղորդագրության մեջ, որը զետեղվել է վերջինիս Facebook-ի էջում: Ավելի վաղ կայանի մամուլի ծառայության ներկայացուցիչ Անդրեյ Տուզը հայտարարել է, որ Զեպորիժիեի ատոմային էլեկտրակայանում հրդեհ է բռնկել:
