Մի շարք արտասահմանյան ընկերություններ ռուսական շուկան լքելու մասին որոշում են կայացրել Ուկրաինայում պատերազմի պատճառով: Apple ընկերությունը հայտարարել է, որ դադարեցնում է ապրանքների վաճառումը Ռուսաստանում: Համանման որոշում է կայացրել նաև Nike-ը: Ապրանքանիշի կայքէջում գրված է, որ «ընկերությունը չի կարող երաշխավորել ապրանքների առաքումը Ռուսաստան»:
Կալինինգրադում ավտոմեքենաների արտադրության դադարեցման մասին հայտարարել է BMW-ն: Բացի այդ ընկերությունը դադարեցրել է նաև ավտոմեքենաների մատակարարումը Ռուսաստան:
The Walt Disney, Sony, Warner Brothers, Paramaunt ընկերություններն էլ չեղարկել են ֆիլմերի պրեմիերաները Ռուսաստանում: Netflix-ը ևս դադարեցրել է աշխատանքը ռուսական նախագծերի վրա:
