Թուրքական Cumhuriyet թերթի փոխանցմամբ՝ անհայտ անձինք ձայնային ռումբ են նետել իշխող «Արդարություն և զարգացում» կուսակցության (ԱԶԿ)՝ Ստամբուլի Քադըքյոյ շրջանում գտնվող գրասենյակի վրա։ Դրա արդյունքում կոտրվել են եռահարկ շինության առաջին հարկում գտնվող գրասենյակի պատուհանները։
Զոհեր ու ավերածություններ չեն գրանցվել, սակայն տեղի ունեցածը վերապրածները հայտնվել են շոկային վիճակում։ Պայթյունից հետո անմիջապես դեպքի վայր են ժամանել հրշեջներն ու ոստիկանները։
Հարուցվել է քրեական գործ, տարվում է հետաքննություն։
Հիշեցնենք, որ ապրիլի վերջին մայիսի սկզբին, երբ Թուրքիայում դարձյալ սրվել էր Քրդական հարցը (ինչպես որ ներկայումս է), ձայնային ռումբեր էին նետվել ԱԶԿ-ի՝ Ստամբուլի Ջումհուրիյեթ, Սողանաք և Ուսքյուդար շրջաններում գտնվող գրասենյակների վրա։