Թուրքական Zaman թերթի փոխանցմամբ՝ Թուրքիան պատրաստվում է վերացնել ՀԱՀ-ի հետ գործող անցագրային ռեժիմը, ինչպես որ արել է վերջին տարիներին Սիրիայի, Լիբիայի, Ռուսաստանի, Հորդանանի և Սերբիայի պարագայում։
Սոմալի կատարած այցից հետո Թուրքիայի արտգործնախարար Ահմեդ Դավութօղլուն երկօրյա այցով մեկնել է ՀԱՀ։ Դավութօղլուն հայտարարել է, որ անցագրային ռեժմի վերացումը և ազատ առևտրի մասին պայմանագրի կնքումը կնպաստի երկկողմանի հարաբերությունների զարգացմանը։ Թուրք արտգործնախարարը հավելել է, որ Թուրքիայի վարչապետ Էրդողանը պլանավորել է առաջիկա ամիսներին այցելել ՀԱՀ։
Դավութօղլուն նկատել է, որ երկու երկրների միջև գոյություն չունի որևէ քաղաքական խնդիր, իսկ տնտեսական տեսանկյունից էլ երկու երկրներն օժտված են մեծ պոտենցիալով։
Հիշեցնենք, որ երկու երկրներն էլ ընդգրկված են տնտեսական պլանում աշխարհի առաջատար երկրների լավագույն քսանյակում (G-20):
