Ադրբեջանական 1news.az-ի փոխանցմամբ՝ նոր ուսումնական տարուց սկսած՝ վրացական դպրոցներում կդասավանդվեն թուրքերեն ու իտալերեն։ Այս մասին երեկ լրագրողներին հայտարարել է կրթության և գիտության նախարարի առաջին տեղակալ Կոկա Սեպերտելաձեն։
Վերջինիս խոսքերով՝ թուրքերենից ու իտալերենից բացի, ազգային կրթական պլանում ներառվել են նաև 5 այլ օտար լեզուներ։
Հիշեցնենք, որ վրացերենը պարտադիր է համարվում բոլոր միջնակարգ դպրոցներում, այդ թվում նաև ազգային փոքրամասնությունների 40 պետական դպրոցներում։ Վրաստանի կրթության և գիտության նախարարության տվյալներով՝ Վրաստանի պետական դպրոցներում սովորող աշակերտներից մոտ 72,000-ը ազգային փոքրամասնությունների ներկայացուցիչներ են, որոնցից 67,953-ը (մոտ 94 տոկոս) հաճախում է ոչ վրացական դպրոցներ։