Իմունացման խորհուրդը հաստատել Է պատվաստման 2022 թվականի ազգային պլանը, որի համաձայն՝ մինչեւ հուլիս կորոնավիրուսի դեմ պետք Է պատվաստված լինի Վրաստանի բնակչության 70 տոկոսը: Այդ մասին, հայտարարել Է Հիվանդությունների վերահսկման եւ հանրային առողջության ազգային կենտրոնի ղեկավար Ամիրան Գամկրելիձեն:
Այսօրվա դրությամբ երկրում պատվաստում Է ստացել չափահաս բնակչության 42,6 տոկոսը: Միեւնույն ժամանակ կորոնավիրուսով հիվանդացել Է Վրաստանի բնակչության գրեթե երրորդ մասը: «Մենք բոլորս խորհուրդ ենք տալիս երրորդ չափաբաժինն ստանալ: Պատվաստանյութերի պաշար կա: Խթանիչը լուրջ սահմանափակիչ մեխանիզմ ունի: Այսպիսին Է նոր պլանը. մինչեւ հուլիս պետք Է պատվաստված լինի բնակչության 70 տոկոսը»,-հայտարարել Է Գամկրելիձեն: Նրա խոսքով՝ իմունացման նոր պլանը նախատեսում Է տեղեկատվական արշավի ակտիվացում, դրամական խրախուսում, մինչեւ 12 տարեկան երեխաների պատվաստում՝ հատուկ չափաբաժնով:
Մեկնաբանելով երկրի համաճարակաբանական իրադրությունը՝ Գամկրելիձեն նշել Է, որ ներկա դրությամբ Վրաստանում առավելակետի շրջանն Է, թեստավորման արդյունքներով դրական պատասխանների բաժինը հասել Է 30,05 տոկոսի: Կորոնավիրուսով ախտահարվածների օրական աճը վերջին օրերին տատանվում Է 24-26 հազարի սահմաններում այն դեպքում, երբ դեռ հունվարի կեսին այդ ցուցանիշը միջին հաշվով կազմել Է 5 հազար: Փետրվարի 3-ի տվյալներով՝ ընդամենը Վրաստանում արվել Է 2 միլիոն 736 հազար 590 պատվաստում: Մեկ չափաբաժնով պատվաստվել Է 1 միլիոն 337 հազար 957 մարդ (սա 18-ից բարձր տարիքի բնակչության 46,6 տոկոսն Է), երկու չափաբաժնով՝ 1 միլիոն 224 հազար 149 մարդ (սա 18-ից բարձր տարիքի բնակչության 42,6 տոկոսն Է): Խթանիչ-չափաբաժինն ստացել Է 172 հազար 139 քաղաքացի, հաղորդել Է Sputnik-ը: