«Երիտասարդությունն ունի մի ցանկություն, որ իրեն լսեն, ինչը շատ կարևոր է: Բացի այդ՝ ինտերնետում չկա ամաչելու խնդիր»,- այսօր լրագրողների հետ հանդիպանը, խոսելով ինտերնետի ու երիտասարդության շրջանում մեծ տարածում ունեցող սոցիալական ցանցերի մասին, ասաց ԵՊՀ ընդհանուր հոգեբանության ամբիոնի վարիչ, հոգեբանական գիտությունների դոկտոր, պրոֆեսոր Հրանտ Ավանեսյանը:
Նրա խոսքով՝ դրա պատճառն այն է, որ շատ ծնողներ չեն անցել այն ճանապարհը, ինչ նրանց զավակները հիմա՝ ինտերնետային աշխարհի հետ առնչվելիս, նրանց մեծ մասը չի տիրապետում համակարգչին ու չի կարող իր երեխային տալ այն անհրաժեշտ խորհուրդը, որի կարիքը զգում է տվյալ երեխան:
Հոգեբանի կարծիքով՝ երիտասարդությունը չի կարող պաշտպանված զգալ ինտերնետում տեղադրված տեղեկատվությունից, քանի որ հայտնի չէ՝ ո՞վ է տվյալ հոդվածի, նյութի հեղինակը: «Պետք է երաշխավորված լինել, թե որ ցանցում եք ու ում հետ եք շփվում»,- ընդգծեց Հ. Ավանեսյանը:
