«Հրապարակ» օրաթերթը զրուցել է անկուսակցական պատգամավոր Սամվել Ալեքսանյանի հետ, որը ներառված է ՀԱԿ –ի հրապարակած ոչ լեգիտեիմ 76 պատգամավորների ցանկում՝ իր «Երևան Սիթի» խանութների ցանցով, Ախուրյանի շաքարի գործարանով, «ՖլիտՖուդ» ընկերությամբ և լայն սպառման պարենային ապրանքների մենաշնորհային ներկրմամբ, «Նատալի Ֆարմ» դեղատների ցանցով, «Փարվանա» ռեստորանով, «Ալեքս Գրիգ» ՍՊԸ-ով և այլ ունեցվածքով։ Ըստ թերթի՝ պատգամավորը զարմացել է, որ «այդ բոլորն իրենն են»։
Ստորև կներկայացնենք հարցազրույցից մի հատված.
– Պարո՛ն Ալեքսանյան, Դուք ևս «սև ցուցակում» եք: Ձեզ չե՞ն զգուշացրել, որ հաջորդ ընտրություններին չպետք է լինեք։
– Էդ ե՞րբ ա իմ անունը հայտնվել ազիզ ջան։
– Դուք տեղյակ չե՞ք՝ ՀԱԿ-իշխանություն երկխոսության նախորդ հանդիպման ժամանակ է ընդդիմությունը բիզնեսով զբաղվող պատգամավորների անունները հրապարակել և բոլորի սեփականությունը մատնանշել։
– Բայց ես ե՞րբ եմ զբաղվում բիզնեսով։ Ես ոչ մի բան էլ չունեմ։ Մի տեղ կա՞, որ ես մի բան ունեմ գրանցված։
– Ուզում եք ասել, որ Ձեր սեփականությունը ոչ թե Ձեր անունով, այլ ուրիշների՞ անունով է գրանցված։
– Ախր, ես բան չունեմ, որ իմ անունով գրանցված լինի։
– Այդուամենայնիվ, հնարավո՞ր է, որ հաջորդ ընտրություններին Ձեզ չթողնեն այլևս պատգամավոր դառնալ։
– Դեմը մի տարի կա, կերևա։