Դեկտեմբերի 21-ին դատարանը մերժեց «Լուսավոր Հայաստան» կուսակցության դիմումը։ Կուսակցությունը դատարան էր դիմել` Վանաձոր խոշորացված համայնքի ավագանու կազմում մանդատներ ունենալու իր իրավունքը պաշտպանելու նպատակով։
Ընտրությունների ժամանակ «Լուսավոր Հայաստանին» անցողիկ շեմը հաղթահարելու եւ Վանաձորի ավագանիում առնվազն 2 մանդատ ունենալու համար չբավարարեց 0,03 տոկոս։ Իսկ կուսակցության ներկայացուցիչները նշում էին, որ իրենց ստացած ձայներին ընդամենը 10 քվե էր պակասում ավագանու կազմում ընդգրկվելու համար։ Որից հետո «Լուսավոր Հայաստան» կուսակցությունը վերահաշվարկի պահանջով դիմեց նաեւ թիվ 23 տարածքային ընտրական հանձնաժողով։ Վերահաշվարկի արդյունքում, սակայն, փոփոխություն չեղավ։
Հիշեցնենք, որ ընտրությունների նախնական արդյունքներով ավագանիում 15 մանդատ կունենա «Մամիկոն Ասլանյան» դաշինքը, 9 մանդատ՝ իշխող «Քաղաքացիական պայմանագիրը», 5 մանդատ՝ ՀԱՍԿ-ը եւ 2-ական մանդատ էլ` «Հայրենիք» եւ «Ապրելու երկիր» կուսակցությունները։
