Թուրքական Sabah թերթի փոխանցմամբ՝ Թուրքիայի զինված ուժերի գլխավոր շտաբը հանդես է եկել Հյուսիսային Իրաքի գիշերային ռմբակոծության վերաբերյալ հայտարարությամբ։
Իր հայտարարության մեջ գլխավոր շտաբը նշել է, թե գիշերային գործողության ժամանակ Հյուսիսային Իրաքի կոնկրետ որ վայրերն են ենթարկվել իրենց ավիահարվածներին։ Խոսքն այն վայրերի մասին է, որոնցում տեղակայված են Թուրքիայում ահաբեկչական հռչակված ու արգելված «Քրդստանի աշխատավորական կուսակցության» (PKK) ճամբարները։
Նշվում է, որ թուրքական ռազմաօդային ուժերը հարվածներ են հասցրել 60 թիրախների, իսկ հրետանային ուժերը ոչնչացրել են 168 կոնկրետ թիրախներ։ Թուրքիայի գլխավոր շտաբը հայտարարել է, որ PKK-ի ճամբարներին հարվածներ հասցնելը չի դադարի այնքան ժամանակ, քանի դեռ այդ կազմակերպությունն ամբողջովին արմատախիլ չի արվել տարածաշրջանում։ Ներկայումս շարունակվում են թուրքական կողմի պատժիչ գործողությունները։
Հիշեցնենք, որ PKK-ն հիմնադրվել է 1978 թվականին՝ քուրդ առաջնորդ Աբդուլլահ Օջալանի կողմից, ով 1999 թվականից ցմահ ազատազրկում է կրում Մարմարա ծովի Իմրալը կղզում։
PKK-ի ընդլայնված զինված պայքարը Թուրքիայում սկսվել է 1984 թվականին, ինչի արդյունքում երկու կողմից զոհվել է 40-45,000 մարդ: