«Արդեն ձևավորվել են ընտրատարածքային հանձնաժողովները, որտեղ ներկայացված չեն «Ժառանգության» պատգամավորները, ինչը «Ժառանգության» դեմ սկսված պայքարի արդյունքն էր՝ թե՛ ընդդիմության, թե՛ իշխանության կողմից»,- այսօր հրավիրված ասուլիսին նշեց «Ժառանգության» պատգամավոր Արմեն Մարտիրոսյանը՝ հիշելով , որ երբ ընդդիմանում էին պրոֆեսիոնալ հանձնաժողովների դեմ, Դավիթ Հարությունյանը պատճառաբանում էր, որ արտախորհրդարանական ընդդիմությունը ևս պորֆեսիոնալ հանձնաժողով է:
Մարտիրոսյանի խոսքերով՝ թեև շարունակվում է թե՛ ընդդիմության, թե՛ իշանության կողմից «Ժառանգության» դեմ պայքարը, և հայտարություններ են հնչում, որ հաջորդ խորրհրդարանում այն չի լինելու, այնուամենայնիվ, այս անգամ «Ժառանգություն»-ը մեծ ներկայացվածություն է ունենալու, քանի որ մշտապես աշխատել է քաղաքացիների հետ: Կուսակցությունն անկախ քաղաքական գործունեություն է ծավալում, որևէ բիզնեսի մեջ չկա:
Ինչ վերաբերում է ՀԱԿ ակտիվիստների և ոստիկանության միջև միջադեպին և այն դիտարկմանը, թե այն արվել է երկխոսությունը տապալելու համար, պատգամավորն արձագանքեց, որ ինքը այդ երկխոսությանը խանդով չի վերաբերում, հետևաբար զերծ կմնա գնահատականներ հնչեցնելուց: Ավելին, նա ընդգծեց, որ «Ժառանգությանն» էլ երկխոսության առաջարկներ արվել են, բայց իրենք հաղթահարել են գայթակղությունները:
Ինչ վերաբերում է քաղաքական զարգացումներին, Մարտիրոսյանը նշեց, որ կարդինալ փոփոխություններ չի սպասում, եթե նոր պայմանավորվածություններ չլինեն: Տեսնում է՝ քաղաքական դաշտը գնում է հերթական ընտրություններին,եթե կրկին նոր պայմանավորվածություններ չլինեն:
