«Առաջին լրատվական»-ը, արձագանքելով Երևանի Շենգավիթ վարչական շրջանի Գարեգին Նժդեհի հրապարակի հարակից շենքերի բնակիչների բողոքներին, օրեր առաջ կազմակերպել էր Նժդեհի հրապարակից մինչև Երևանյան լճի երկայնքով շարված «գիշերային թիթեռնիկների» «փողոցային առևտրի» թաքնված նկարահանումը։
Պատասխանելով այն հարցին, թե ի՞նչ է պատրաստվում անել Երևանի քաղաքապետարանը հարցի կարգավորման ուղղությամբ, Երևանի քաղաքապետի մամուլի քարտուղար Շուշան Սարդարյանն ասաց. «Քաղաքապետարանն իրականացնում է տեղական ինքնակառավարման մարմինների օրենքով վերապահված լիազորություններ, ու նշված հարցն այդ լիազորություների շրջանակից դուրս է»:
