Wednesday, 24 07 2024
Իվանիշվիլիի դեմ մահափորձ է նախապատրաստվել
Հնդկաստանի սահուն անցումից ի՞նչ կարող է «վերցնել» Հայաստանը
ՌԴ ՊՆ փոխնախարարը չի ընդունում իր մեղքը
130 հեկտարի վրա կառուցվում է Հայաստանի ամենախոշոր արևային կայանը
Վանաձորի թատրոնը նոր ներկայացման առաջնախաղը կազմակերպել է Կառլոս Աբովյանի անվան կերպարվեստի թանգարանում
Նյու Դելիում ցուցադրվել են Հնդկաստանում գործունություն ծավալած հայ նկարչի գործերը
11:10
Չեռնոգորիայի խորհրդարանը հաստատել է կառավարության նորացված կազմը
11:00
Հայաստանը դարձել է հնդկական զենքի ամենախոշոր գնորդը
Նախարարն այցելել է ՀԱՊՀ՝ շնորհավորելու ինքնավար մեքենաների միջազգային մրցույթում հաջողության հասած ուսանողներին
10:40
Հզոր Թայֆունը շարժվում է Թայվան՝ Ֆիլիպիններում 12 մարդու կյանք խլելուց հետո
Սեփականատերերը պարտավոր են պահպանել հուշարձան-շենքերը. Երևանի քաղաքապետարանը ԿԳՄՍ նախարարության հետ նոր գործընթաց է սկսել
Վրաստանի իրավասու մարմինը բավարարել է. հետախուզվողը հանձնվել է Հայաստանին
10:10
Հիլարի Քլինթոնը կոչ է արել Հարիիսին պայքարել Թրամփի դեմ
Մենք մեզ գցում ենք ծուղակը՝ կարծելով, թե պատերազմի ելքը կախված է ԱՄՆ ընտրություններից
«Արտանիշ-9» հնավայրում հայտնաբերվել է Քրիստոսից առաջ 3-րդ հազարամյակի առաջին կեսին թվագրվող դամբարանադաշտ
09:40
Նավթի գները նվազել են- 23/07/24
«Ադրբեջանցիների վերադարձը» կմատուցվի ցավալի փոխզիջման սոուսով. թույլ չտալ հարցի լեգիտիմացում
09:20
Հնդկաստանը դանդաղ տեմպերով զենքի արտահանող է դառնում
Հյուսիս-հարավ ճանապարհի Քաջարան-Ագարակ հատվածի կառուցման մանրամասները
ՍԴ-ի որոշումը ծայրահեղ անելանելի և անհարմար վիճակից դուրս գալու պատուհան է բացում
08:50
«ArLeAM» ընկերությունը հյուրընկալել է «Հայաստանի գինիներ» ՀԿ անդամներին
Հնարավոր է կարճատև անձրև և ամպրոպ
Այրվել է մոտ 10 հա խոտածածկույթ
08:20
Բայդենի պաշտոնանկությունից հետո առաջին հարցման արդյունքում Հարրիսը Թրամփից 2%-ով առաջ է անցել
08:10
Կոռուպցիայի մեջ մեղադրվող ամերիկացի սենատոր Մենենդեսը հրաժարական է տվել
Պետական պարտքի «կարմիր գիծն» ու տնտեսության քայքայվող առողջությունը
Բյուջեի պակասուրդն ավելացել է․ «Ժողովուրդ»
Ագրարայինի մասնաշենքը՝ Ֆրանսիական համալսարանի՞ն. «Հրապարակ»
Հոգեւորականները չեն գնացել Սրբազանին ողջունելու. «Հրապարակ»
Թումանյան փողոցում «Մերսեդեսի» վարորդը կրակել է ինքնագլոր վարող երիտասարդի ուղղությամբ

Պուտինը արագացրեց այս հանդիպման կայացումը, որպեսզի Բրյուսելում  Փաշինյանն ու Ալիևը իր հետ չհամաձայնեցված որևէ տարբերակի շուրջ չպայմանավորվեն

«Առաջին լրատվական»-ի զրուցակիցն է «Ազատ քաղաքացի» ՀԿ նախագահ Հովսեփ Խուրշուդյանը

 Պարոն Խուրշուդյան, ԱԺ ամբիոնից հայտարարվում է, որ մեր միջազգային գործընկերները մեզնից հրատապ պահանջում են սահմանազատում։ Ովքե՞ր են այդ գործընկերները՝ ՌԴ-ն, թե, օրինակ, ԵԱՀԿ Մինսկի խմբի համանախագահ երկրները։ Վերջիններս, կարծես թե, այդ մասին բաց տեքստով չեն խոսում։

Կարծում եմ՝ ճիշտ կլինի, որ այդ հարցը տաք նման բան հայտարարողներին: Ինձ համար անհայտ է նման պահանջի գոյությունը: Այն էլ հրատապ պահանջի: Միակ նման հրատապ պահանջ դնողը կարծես Ադրբեջանն է: Ու իր հովանավոր Ռուսաստանն էլ դե արագացնում է գործընթացը, քանի որ, ինչպես արդեն արտահայտվել եմ, նա, ի տարբերություն մայիսի 12-ի, այժմ, երբ Հայաստանում իշխանությունն ընտրվել է և ամուր մեծամասնություն ունի, և սահմանային տեղային խժդժություններով հնարավոր չէ իշխանափոխության գործընթացի հասնել,   շահագրգռված է, որպեսզի սահմաններում իրավիճակը կայունանա, որպեսզի կողմերը կարողանան անցնել ապաշրջափակման ու գոյություն ունեցող հաղորդակցության ուղիների վերագործարկման գործընթացի:

Որքանո՞վ մենք կարող ենք ընդդիմանալ առաջարկվող սահմանազատմանը, և ինչո՞ւ բաց չեն խոսում առաջարկված տարբերակի մասին։

Բայց արդյո՞ք կա առաջարկված տարբերակ: Որքան ես հասկանում եմ Հայաստանի իշխանությունների հայտարարություններից, նաև դելիմիտացիա իրականացնող հանձնաժողովի հիմնադրման մասին հայտնի փաստաթղթի՝ դեռ ամիսներ առաջ արված գաղտնազերծումից, խոսքը գնում է ընդամենը հանձնաժողով ձևավորելու մասին, որն էլ պետք է քննի, թե ինչ իրավական հիմքով պետք է տեղի ունենան սահմանազատումն ու սահմանագծումը: Ու ողջունելի է, որ ՀՀ վարչապետը հայտարարեց, որ անհրաժեշտ է ճշտել սահմանազատման իրավական հիմքերը: Մյուս կողմից ինձ համար անընդունելին այն է, որ դա տեղի է ունենալու եռակողմ ֆորմատով՝ Ռուսաստանի միջնորդությամբ: Լավ կլինի, որ եթե այս ձևաչափն արդեն անխուսափելի է, ապա գոնե դրանում ներգրավվեն ԵԱՀԿ կամ ԵՄ փորձագետները: Հիշո՞ւմ եք՝ երբ Շառլ Միշելը Հայաստանում էր, նա Եվրամիության անունից պատրաստականություն հայտնեց, որ կտրամադրեն փորձագետների: Իրենց մասնակցությունը գոնե ինչ-որ չափով կմոտեցնի գործընթացը ԵԱՀԿ և ԵՄ լավագույն չափանիշներին, իսկ ներկայությունը կթուլացնի Ռուսաստանի հնարավորությունները ամեն անգամ մանիպուլացնելու գործընթացը՝ այն որպես հավելյալ գործիք օգտագործելով մեկ Հայաստանի և մեկ էլ Ադրբեջանի վրա ճնշումներ գործադրելու և այս կամ այն հարցում զիջումներ կորզելու համար:

Հայաստանի ու Ադրբեջանի առաջնորդները համաձայնել են հանդիպել դեկտեմբերին Բրյուսելում` ԵՄ Արևելյան գործընկերության համաժողովում։ Ի՞նչ կարելի է ակնկալել այս հանդիպումից, լարվածության թուլացում, թե ՞։

Դե կարծես թե հաստատվում է տեղեկությունը, որ մինչ այդ էլ՝ նոյեմբերի 26-ին Սոչիում հակամարտող կողմերի ղեկավարները հանդիպելու են նաև Ռուսաստանի նախագահի միջնորդությամբ: Կարծում եմ՝ Պուտինը արագացրեց այս հանդիպման կայացումը, որպեսզի Բրյուսելում Նիկոլ Փաշինյանն ու Իլհամ Ալիևը իր հետ չհամաձայնեցված որևէ տարբերակի շուրջ չպայմանավորվեն: Իհարկե, նման հանդիպումները նաև էապես թուլացնում են լարվածությունը: Թեև փորձը ցույց է տալիս, որ եթե Ալիևին այդ հանդիպումների արդյունքները չեն գոհացնում, ապա նա իր դժգոհությունը արտահայտում է Հայաստանի, Արցախի դեմ հերթական մանր սադրանքն իրականացնելով:

Պարոն Խուրշուդյան, Հայաստանում կա՞ արդյոք հակառուսական հիստերիա, ինչի մասին խոսում են ԱԺ ամբիոնից, եթե կա, ովքեր են դրանց տարածողները։

 Գիտեք, Հայաստանի ու Ռուսաստանի քաղաքական և մեդիադաշտում, ինչպես միշտ, կա հասկացությունները նենգափոխելու և իրար խառնելու միտում: Սկսենք նրանից, որ Ռուսաստանի կողմից Հայաստանի՝ որպես իր ռազմավարական դաշնակցի, դավաճանությունն այնքան ակնհայտ է, ու գնալով այնքան ավելի շատ ապացույցներ է ստանում, որ, թերևս, միայն ճորտերով լցված գուբեռնիայում ըմբոստացում և քննադատություն չէր առաջացնի: Այնպես որ այդ քաղաքակիրթ և տեղին քննադատությունը գնալով ավելանալու է, և դա շատ լավ է: Թող փոխեն իրենց դավաճանական վարքագիծը և կստանան համապատասխան փոփոխություն նաև հայերի տրամադրություններում, ընդ որում՝ ոչ միայն Հայաստանում, այլև Ռուսաստանում և ամբողջ աշխարհում: Իսկ հակառուսական հիստերիան հենց իրենք՝ ռուսական տարբեր օղակներ են ստեղծում Հայաստանում, որպեսզի հետո կարողանան մեղադրել ՀՀ իշխանություններին նման ակնառու հակառուսականությունը չկանխելու համար, ինչն էլ կարող է թուլացնել վերջինների բանակցային դիրքերը, ստիպել նրանց արդարանալ և այլն: Ինչ արժեր, օրինակ, Սուրեն Պապիկյանի եսիմ որ թվի ֆեյսբուքյան գրառումների սքրինշոթների պեղելը այստեղի որոշ ռուսահպատակ ՙՙլրագրողների՚՚ կողմից և գլխակտոր տարածելը, այդ թվում՝ ռուսերեն թարգմանելով: Այդպես էլ չհասկացանք, թե դրանք իրական էին, թե մոնտաժված: Բայց եթե անգամ իրական էին. ո՞ւմ էր դա այս պահին շտապ հարկավոր, ո՞ւմ պատվերով իրականացվեց: Այդ հարցերի պատասխանները, կարծում եմ, առավել քան ակնհայտ են:

 

Բաժիններ
Ուղիղ
Լրահոս
Որոնում