Նոյեմբերի 13-ին, ժամը 17:02-ին Արմավիրի մարզային ճգնաժամային կառավարման կենտրոն ահազանգ է ստացվել, որ Ամասիա գյուղի մոտակա սարի վրա այրվում է խոտածածկ տարածք: Հայտնում են ԱԻՆ մամուլի ծառայությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Հրդեհը մեկուսացվել է ժամը 17:40-ին, մարվել՝ 17:59-ին։ Այրվել է մոտ 20 հա խոտածածկույթ: