Գերմանիայում երեք աղջիկ` 16, 18 և 19 տարեկան, խմբակային ինքնասպանություն են գործել,- հաղորդում է Agence France-Presse-ը: Նրանց դիակները գտել են Հոլդորֆ բնակավայրի մոտ գտնվող անտառում:
Երեք աղջիկներն էլ ապրում էին Գերմանիայի տարբեր վայրերում, երեքն էլ հոգեկան խանգարումներ ունեին: Նրանց ծնողները անգամ տեղյակ չէին, որ իրենց երեխաները ծանոթ էին իրար հետ: Որոշ փորձագետներ կարծիք են հայտնում, որ նրանք գտել էին իրար սոցիալական ցանցերի միջոցով:
Աղջիկները վրան էին խփել անտառում, մանրակրկիտ կերպով փակել բոլոր անցքերը և վառել նախօրոք պատրաստված ածուխը:
