Տնտեuական համագործակցության հարցերով հայ-ուկրաինական միջկառավարական համատեղ հանձնաժողով կայացավ։ Հայաստան-Ուկրաինա հարաբերությունները բավական սպեցիֆիկ են։ Ռուսաստանի կողմից Ղրիմի բռնակցումից հետո Թուրքիայի պրոուկրաինական դիրքորոշումը էլ ավելի է բարդացրել Ուկրաինայի և Հայաստանի միջև հարաբերությունների զարգացման հեռանկարը։ Հայաստանը նոր դեսպան ունի Կիևում, բայց մենք տեսնում ենք, որ ճեղքում հայ-ուկրաինական հարաբերություններում դեռ հնարավոր չէ։ Ինչու: Թեմայի շուրջ «Առաջին լրատվական»-ը զրուցել է Հայաստանում Ուկրաինայի նախկին դեսպան, հայագետ Ալեքսանդր Բոժկոյի հետ:
Պարոն Բոժկոն զարմանքով նկատել է, որ Անկախության տոնին այլ երկրների ներկայացուցիչներ չեն հրավիրվում. «Դա ՀՀ ԱԳՆ թերությունն է»:
Անդրադառնալով հայ-ուկրաինական հարաբերություններին Բոժկոն հույս հայտնեց, որ հայ-ուկրաինական ավանդական հարաբերությունները թույլ չեն տա այսօրվա վիճակը շարունակվի. «Հայ-ուկրաինական հարաբերությունները սառել են, որովհետև Հայաստանը չի ցուցաբերել համապատասխան ըմբռնում; Հայաստանը ռուսական ագրեսիվ քաղաքականության զոհն է դարձել: Ամբողջ աշխարհը Ուկրաինայի հետ է, բայց մեզ տխրեցնում է ՀՀ դիրքորոշումը»:
