ԱՄՆ Հանրապետական կուսակցությունը որոշում է, թե ով է 2012թ-ին Բարաք Օբամայի դեմ պայքարելու ԱՄՆ նախագահական ընտրություններում: Այս մասին տեղեկանում ենք kommersant.ru-ից:
Ընտրություններին իր թեկնածությունն առաջադրելու նպատակի մասին շաբաթ հայտնել է Տեխասի նահագնապետ Ռիկ Փերին:
Նույն օրը Հանրապետական կուսակցության թեկնածուի ոչ պաշտոնական ընտրություններում հաղթել էր Միշել Բեքմանը:
Փորձագետների կարծիքով այս երկու թեկնածուները, ինչպես նաև Մասաչուսեթսի նախկին մահանգապետ Միթ Ռոմնին այն թեկնածուներն են, որոնցից ընտրվելու է ԱՄՆ նախագահական ընտրություններում հանրապետական կուսակցության թեկնածուն, ով կփորձի մյուս տարի պայքարի մեջ մտնել Բարաք Օբամայի հետ:
Բացի այս 3 թեկնածուներից, նախագահական ընտրություններում իրենց մասնակցության ցանկությունն են հայտնել նաև Միննեսոտայի նախկին նահանգապետ Թիմ Փոլենթին, կոնգրեսական Ռոն Փոլը, Փենսիլվանիա նահանգից նախկին սենատոր Ռիկ Սանտորումը, Կոնկգրեսի փոխխոսնակ Նյուտ Գինգրիչը:
Տեխասի նահանգապետ Ռիկ Փերին, որն արդեն 11 տարի ղեկավարում է այդ նահանգը, հայտարարել է, որ Ամերիկան անհրաժեշտ է փրկել Օբամայի կործանարար ղեկավարումից, իսկ ահա Միշել Բեքմանն ասել է. “Մենք կդարձնենք Օբամային մեկ ժամկետի նախագահ”:
Ի դեպ, Միշել Բեքմանը, ըստ azatutyun.am-ի, բազմիցս աջակցություն է հայտնել Կոնգրեսում Հայոց ցեղասպանությունը ճանաչող բանաձևերին:
