«Քաղցած խաղեր» ֆիլմաշարի 31-ամյա աստղ Ջենիֆեր Լոուրենսը և նրա 37 -ամյա ամուսինը՝ Մարոնի Կուկը, շուտով երեխա կունենան։ Այս տեղեկությունը հաստատել է դերասանուհու ներկայացուցիչը People հրատարակությանը տված հարցազրույցում:
Glamour ամսագրին տված հարցազրույցում դերասանուհին խոստովանել էր, որ միայն երեխան էր պակասում լիակատար երջանկության համար:
«Ես հաստատ ուզում եմ մայր դառնալ: Ես պատկերացնում եմ, որ երեխաներ ունենամ՝ իմ կյանքը կդառնա լիարժեք»,-ասել է դերասանուհին:
Պատկերասրահի սեփականատեր Կուկ Մարոնիի հետ Ջենիֆեր Լոուրենսը սկսել էր հանդիպել 2018 -ին՝ ռեժիսոր Դարեն Արոնոֆսկու հետ բաժանումից կարճ ժամանակ անց: 2019 -ին զույգը շքեղ հարսանիք է արել՝ բազմաթիվ հայտնի հյուրերի մասնակցությամբ: Տոնակատարությունը խնամքով թաքցվել է լրագրողներից, և արարողությունից ընդամենը մի քանի նկար է հայտնվել մամուլում:
Ջենիֆերը մինչև հիմա էլ լրագրողների հետ զրույցներում հազվադեպ է խոսում իր անձնական կյանքի մասին, բայց Կուկի հետ հարսանիքից կարճ ժամանակ առաջ նա խոստովանել էր, որ համաձայնվել է ամուսնանալ Մարոնիի հետ առանց վարանելու․
«Օ, այս որոշումն ինձ համար շատ հեշտ էր: Նա լավագույն մարդն է, ում ես երբևէ հանդիպել եմ իմ կյանքում»:
