Կանանց տեղ կտրվի Աֆղանստանի կառավարությունում։ Այս մասին սեպտեմբերի 8-ին հայտարարել է «Թալիբան» արմատական շարժման պաշտոնական ներկայացուցիչ Զաբիուլլա Մուջահիդը ֆրանսիական BFMTV հեռուստաալիքի հետ զրույցի ընթացքում:
Աֆղանստանի ձևավորված կառավարությունը ժամանակավոր բնույթ է կրում, և հեռանկարում նախարարների կաբինետում պաշտոններ կներկայացվեն կանանց համար, նշել է զրուցակիցը:
Բացի այդ, Մուջահիդը հայտարարել է միջազգային ասպարեզում այլ երկրների հետ դիվանագիտական հարաբերություններ հաստատելու մտադրության մասին:
Օգոստոսի 17-ին Աֆղանստանի քաղաքացիները դուրս են եկել Քաբուլի փողոցներ՝ պահանջելով հարգել իրենց իրավունքները։ Ընդ որում, այդ օրը շարժման ներկայացուցիչները կանանց հրավիրել են մասնակցել երկրի կառավարմանը և ներկա գտնվել ապագա կառավարությունում:
