Մարդու իրավունքների եւ քաղաքացիական ինտեգրացման խորհրդարական կոմիտեն միաձայն պաշտպանել Է այն օրինագիծը, որը նախատեսում Է թմրավաճառության համար պատժի խստացում:
Քրեական օրենսգրքի նախաձեռնված ուղղումները խստացնում են այն պատժամիջոցները, որոնք սահմանվել են թմրանյութերի, նոր հոգեակտիվ, հոգեմետ եւ ուժեղ ներգործող նյութերի իրացման համար:
Մասնավորապես, թմրանյութերի, նրանց նմանօրինակի, նախորդողի կամ նոր հոգեակտիվ նյութերի անօրինական վաճառքի համար 6-ից մինչեւ 11 տարվա ազատագրման փոխարեն, որը նախատեսվում Է ներկայիս խմբագրման մեջ, հանցագործությունը կպատժվի 10-ից մինչեւ 15 տարվա բանտարկությամբ:
7-14 տարվա բանտարկության փոխարեն 12-ից մինչեւ 17 տարվա բանտարկություն կսպառնա խոշոր չափով թմրամիջոցների իրացման դեպքում: Ինչպես հայտարարել Է Վրաստանի ներքին գործերի փոխնախարար Ալեքսանդր Դարախվելիձեն, միայն ընթացիկ տարում քրեական պատասխանատվության Է ենթարկվել 91 թմրավաճառ:
«Այդ փոփոխությունները չեն վերաբերում թմրանյութեր սպառողներին: Խոսքը թմրավաճառների մասին Է, որոնք ամեն տարի թմրանյութեր են վաճառում մեր երեխաներին, մեր հասարակության անդամներին: Ուստի պետական քաղաքականությունը նրանց նկատմամբ պետք Է լինի անողոք, խիստ»,-հայտարարել Է Դարախվելիձեն:
Ուղղումների համաձայն, զգալիորեն խստացվում Է պատիժը հատկապես խոշոր չափերով թմրանյութերի վաճառքի համար: Մասնավորապես, եթե գործող խմբավորման մեջ պատիժը նախատեսվում Է 8-ից մինչեւ 20 տարի կամ անժամկետ ազատազրկում, ապա, օրինագծի համաձայն, պատժի ստորին սահմանն սկսվում Է 14 տարուց, հաղորդել Է Sputnik-ը:
