Թբիլիսիում հայտնվել են կորոնավիրուսի դեմ պատվաստման շարժական կետեր, որոնք տեղակայված են մարդատար ավտոբուսներում:
Նախագիծը գործարկել են Վրաստանի առողջապահության նախարարությունում՝ Թբիլիսիի քաղաքապետարանի հետ համատեղ:
«Մենք որոշում ենք ընդունել սկսել երեք ավտոբուսներից եւ, անհրաժեշտության դեպքում, իհարկե, կավելացնենք»,-հայտարարել Է առողջապահության նախարար Եկատերինա Տիկարաձեն:
Պատվաստման առաջին շարժական կետերը հայտնվել են մայրաքաղաքի Վարկետիլիի եւ Գլդանիի շրջաններում, ինչպես նաեւ Երկաթուղային հրապարակում: Քաղաքացիները կարող են տեղում անցնել ներարկման գրանցում եւ պատվաստման կուրս: Մարդկանց կսպասարկեն հանրապետական հիվանդանոցի բժիշկների բրիգադները:
Պատվաստման շարժական կետերում նախատեսված են հատուկ տարածքներ, որտեղ ներարկումից հետո բժիշկները կհետեւեն ներարկում ստացած անձանց վիճակին:
Վրաստանում զանգվածային պատվաստումն սկսվել Է հուլիսի 5-ին այն բանից հետո, երբ երկիրն ստացեվ 1 միլիոն չափաբաժին չինական Sinopharm եւ Sinovac պատվաստանյութեր:
Վերջին տվյալների համաձայն, Վրաստանում անցկացվել Է 1 մլն 95 հազար 69 ներարկում: Նրանցից պատվաստման մեկ չափաբաժինն ստացել Է 749 հազար 754 մարդ. դա բնակչության 26,3 տոկոսն Է, լրիվ երկու չափաբաժինը՝ 345 հազար 315 մարդ. դա բնակչության 12,1 տոկոսն Է:
Վերջին 24 ժամում երկրում գրանցված կորոնավիրուսի 4031 նոր դեպքից Թբիլիսիում գրանցվել Է 1639 փաստ, հաղորդվում Է Stopcov.ge. կառավարական կայքում:
Մնացած դեպքերի քովիդ-աշխարհագրությունը հետեւյալ տեսքն ունի. Աջարիայում՝ 449, Իմերեթում՝ 493, Քվեմո Քարթլիում՝ 247, Շիդա Քարթլիում՝ 222, Գուրիում՝ 127, Սամեգրելո-Զեմո Սվանեթում՝ 294, Կախեթում՝ 343, Մցխեթ-Մթիանեթում՝ 83, Սամցխե-Ջավախքում՝ 100, Ռաչա-Լեչխումում եւ Քվեմո Սվանեթում՝ 34:
Վրաստանում վերջին օրվա ընթացքում արվել Է կորոնավիրուսի 42 հազար 744 թեստ, 25 հազար 358-ը՝ հակագենի, 17 հազար 386-ը՝ ՊՇՌ-թեստ, եւ հայտնաբերվել Է վարակման 2676 նոր դեպք:
Համավարակի սկզբից ի վեր երկրում այսօրվա դրությամբ հայտնաբերվել Է վարակման 536 հազար 202 դեպք:
Դրա հետ մեկտեղ վերջին 24 ժամվա ընթացքում Վրաստանում կորոնավիրուսից ապաքինվել Է 4585 մարդ, իսկ համավարակի սկզբից վեր հիվանդությունը հաղթահարել Է 473 հազար 502 հիվանդ:
Կորոնավիրուսով պայմանավորված բարդությունների պատճառով վերջին օրվա ընթացքում մահացել Է 73, իսկ համավարակի սկզբից ի վեր՝ 7101 հիվանդ:
Կորոնավիրուսի առաջին դեպքը Վրաստանում հայտնաբերվել Է 2020 թվականի փետրվարի 26-ին, հաղորդել Է Sputnik-ը:
