Հայիթիի կառավարությունն ավելի քան 60 հազար կվճարի նրան, ով կօգնի պարզել 3 անձանց գտնվելու վայրը, ովքեր մասնակից են եղել երկրի նախագահ Ժովենել Մոիզի սպանությանը։ Այս մասին հայտնում է իսպանական EFE գործակալությունը։
Հետախուզվողների թվում են հանրապետության Վճռաբեկ դատարանի նախկին դատավոր Վենդել Կոկ-Տելոն, Արդարադատության նախարարության նախկին աշխատակից Ժոզեֆ-Ֆելիքս Բադյոն և նախկին սենատոր Ջոն-Ժոել Ժոզեֆը։
Մոիզը մահացու վնասվածք էր ստացել հուլիսի 7-ին, անհայտ անձանց կողմից իր նստավայրի վրա կատարված հարձակման ժամանակ։ Ավելի ուշ իշխանությունները հայտարարել էին, որ հարձակվողների խմբում եղել է Կոլումբիայի 26 քաղաքացի, որոնց մի մասը ձերբակալվել է։ Ընդհանուր առմամբ սպանության գործով ձերբակալվել է ավելի քան 40 մարդ։
Նախագահին հուղարկավորել են հուլիսի 23-ին, հյուսիսային Կապ-Աիթիեն քաղաքում։
