ԱՄՆ նախագահի վարչակազմն անհանգստացած է Ալ Կաիդայի կողմից մահացու թունավոր նյութեր ձեռք բերելու փորձերից, որոնց նպատակը ԱՄՆ-ում ահաբեկչություններ իրականացնելն է. այս մասին իմանում ենք New York Times-ից:
Թերթը հղում կատարելով ԱՄՆ հետախուզությունից անանուն աղբյուրին` նշում է, որ Յեմենում Ալ Կաիդայի մասնաճյուղը ցանկանում էր ձեռք բերել մեծ քանակությամբ թույն արտադրելու համար անհրաժեշտ նյութեր:
Նույն աղբյուրի համաձայն՝ պատրաստված նյութը տեղադրվելու էր ռումբի շուրջ, որի պայթյունի հետևանքով մահացու թույնը կտարածվեր մեծ տարածության վրա:
Օբաման և ԱՄՆ բարձրաստիճան այլ պաշտոնյաներ Ալ Կաիդայի նման փորձերի մասին տեղեկացել էին դեռևս անցյալ տարի:
