Ռուսաստանը անընդհատ և հաջողությամբ կատարելագործում է ռազմածովային նավատորմի զինանոցը, այն ունակ է անհրաժեշտության դեպքում հայտնաբերելու ցանկացած հակառակորդի և անխուսափելի հարված հասցնելու վերջինիս։ Այս մասին, ТАСС-ի փոխանցմամբ, հայտարարել է Ռուսաստանի նախագահ Վլադիմիր Պուտինը երկրի հիմնական ռազմածովային շքերթի մեկնարկից առաջ:
«Ռուսաստանը կարճագույն ժամկետներում գրավել է իր արժանի տեղը առաջատար ծովային տերությունների շարքում, անցել զարգացման վիթխարի ուղի՝ Petrovsky համեստ նավից դեպի օվկիանոսի գոտու հզոր նավեր և միջուկային ռազմական սուզանավեր, ձեռք է բերել արդյունավետ մեծ և փոքր հեռահարության ծովային ավիացիա, առափնյա պաշտպանության հուսալի համալիրներ, հիպերձայնային գերճշգրիտ նորագույն սպառազինության համակարգեր, որոնք աշխարհում դեռևս չունեն անալոգներ, որոնք մենք անընդհատ և հաջողությամբ կատարելագործում ենք», – ասել է ՌԴ նախագահը:
Պուտինը շեշտել է, որ այսօր Ռուսաստանի ռազմածովային ուժերն ունեն այն ամենը, ինչ անհրաժեշտ է հայրենի երկրի ու ազգային շահերի երաշխավորված պաշտպանության համար: «Մենք ի վիճակի ենք հայտնաբերելու ցանկացած հակառակորդի՝ ստորջրյա, գրի վրա գտնվող, օդային, և անհրաժեշտության դեպքում նրան անխուսափելի հարված հասցնելու», – ասել է Ռուսաստանի ղեկավարը:
Ինչպես հայտնել ենք, Պուտինը Սանկտ Պետերբուրգում ընդունում է ռազմածովային գլխավոր շքերթը
