Թուրքական զինված ուժերը Սիրիայի հյուսիսում, ի պատասխան թուրքական զրահամեքենայի վրա հարձակման, որի հետեևանքով զոհվել է երկու զինծառայող, «ոչնչացրել են յոթ ահաբեկիչների»: Այս մասին կիրակի օրը հայտնել է Թուրքիայի ազգային պաշտպանության նախարարությունը:
««Եփրատի վահան» գործողության գոտում մեր երկու զինվորականներին սպանած ահաբեկիչների նկատմամբ պատասխան գործողություններ են կատարվել: Խոցվել են ահաբեկիչների դիրքերը, յոթ ահաբեկիչներ ոչնչացվել են», – հայտնել են նախարարությունից:
Պաշտպանության նախարարությունը հավելել է, որ «նշված տարածքում մարտական գործողությունները շարունակվում են»:
Ինչպես հայտնել ենք, Հալեպի նահանգում գտնվող Էլ Բաբ քաղաքի տարածքում թուրք զինվորականների վրա շաբաթ երեկոյան հարձակում է իրականացվե: Երկու զինվորական սպանվել է, ևս երկուսը վիրավորվել: