Հունաստանի մայրաքաղաք Աթենքի արվարձանում հունական նավթավերամշակող REVOIL ընկերության գրասենյակի մոտ պայթուցիկ սարք է գործարկվել. մեկ մարդ վիրավորվել է, գրում է РИА Новости-ն:
Նշվում է, որ պայթուցիկ սարքը գտնվել է շենքից դուրս և պայթել է ժամը 23:00-ից անմիջապես հետո։ Մոտոցիկլետով այդ վայրով անցնող տղամարդը թեթև վնասվածք է ստացել:
Դեպքի վայր է ժամանել երկու հրշեջ մեքենա, բայց պայթյունից հրդեհ չի առաջացել: Դեռ ոչ մի կազմակերպություն չի ստանձնել պայթյունի պատասխանատվությունը։
Ըստ ոստիկանության նախնական գնահատականների՝ դինամիտի գլան է պայթեցվել:
Նշենք, որ REVOIL- ը նավթավերամշակող ընկերություն է՝ 100% հունական կապիտալով: Այն զբաղեցնում է շուկայի ավելի քան 10.4% -ը: Ընկերությունը վառելիք և քսանյութեր է վաճառում բենզալցակայանների իր ցանցի միջոցով, որն ունի ավելի քան 520 լցակայաններ Հունաստանի ամբողջ տարածքում:
