ԱՄՆ- ը փորձարկելու է նորաստեղծ ինքնաթիռ, որը իվիճակի է ձայնից 20 անգամ ավել արագություն սահմանել: Նյու Յորքից Լոս Անջելես թռիչքը այն կիրականացնի 12 րոպեում, Լոնդոնից Սիդնեյ` մեկ ժամից պակաս: Այդ մասին տեղեկացնում է The Guardian-ը:
Գերձայնային Falcon HTV-2-ը հանդիսանում է նոր սերնդի գերհզոր զենք: Ըստ Պենտագոնի` այսպիսի ինքնաթիռով մեկ ժամվա ընթացքում միջուկային զենքը կարելի կլինի հասցնել մոլորակի ցանկացած կետ: Ինքնաթիռը արտաքնապես նիզակի ծայրակալ է հիշեցնում, չունի թևեր, մինչև 21 000 կմ/ժ արագություն է սահմանում: Որպես համեմատություն` բազմակի ռեկորդակիր МиГ-25 ինքնաթիռի առավելագույն արագությունը ընդամենը 2,4 հազար կմ/ժ է:
Նշենք, որ նախորդ փորձարկումն անհաջող էր անցել և տևել էր ընդամենը 9 րոպե:
