Ֆրանսիայում այս տարի կհայտնվի սեփական արտադրության հակակորոնավիրուսային պատվաստանյութ։ Դրա մշակմամբ զբաղվում է Sanofi France ընկերությունը։ Արդեն մեկնարկել է կլինիկական փորձարկումների երրորդ փուլը, հայտնում է Le Figaro-ն։
Պատվաստանյութի թողարկումը նախատեսված է տարեվերջին։
Ընկերության ղեկավար Օլիվիե Բոգիյոյի խոսքով՝ ի տարբերություն Pfizer-BioNTech, AstraZeneca, Moderna և Janssen պատվաստանյութերի, ֆրանսիական պատվաստանյութում չի օգտագործվի мРНК տեխնոլոգիան։ Դրա հիմքը կկազմի ռեկոմբինանտ սպիտակուցը, ինչպես հակագրիպային ժամանակակից պատվաստանյութերում։ Նրա խոսքով՝ համադրությունը հատուկ նյութի՝ ադյուվանտի հետ, կդարձնի իմունային պատասխանն ավելի ակտիվ և տևական։
Առավելությունների շարքում նշվում են ոչ թանկ արտադրությունն ու պահպանման ավելի մեղմ պահանջները, ինչը թույլ կտա տեմպ հաղորդել պատվաստումների գործընթացին։