Վրաստանի քաղաքացիներին շտապ օգնության բժիշկների հետ միասին շտապ բժշկական օգնություն կցուցաբերեն մոտոցիկլետով պարամեդիկները: Արտակարգ իրավիճակների համակարգման և շտապ օգնության կենտրոնը հայտարարել է նոր ծրագրի մեկնարկի մասին: Այս մասին հայտնում է jnews.ge-ն։
Պարամեդիկը բժշկական մասնագետ է, ով աշխատում է շտապօգնությունում, փրկարարական ծառայությունում և զորամասերում ու ունի հոսպիտալային փուլում շտապ բժշկական օգնություն ցուցաբերելու հմտություններ:
«Մենք ուսումնասիրել ենք աշխարհի առաջատար երկրների փորձը, տեղեկատվություն ենք փոխանակել, և ելնելով այն բանից, որ հանգստյան գոտիներում հանգստացողների թիվն ամեն տարի աճում է, մոտոպարամեդիկների ներգրավումը շատ հաջողակ կլինի»,- հայտարարել է կենտրոնի տնօրեն Ալեքսանդր Կալանդիան:
Կենտրոնն արդեն վերապատրաստել է 105 պարամեդիկների` նոր ծառայությունը գործարկելու համար: Առաջիկայում նրանց համար ձեռք կբերվի 35-40 մոտոցիկլետ: Վարչությունն արդեն հայտարարել է համապատասխան տենդերը:
Ինչպես բացատրել է Կալանդիան, ծառայությունը կգործի առողջարաններում, ինչպես նաև խոշոր քաղաքներում, որտեղ խցանումների պատճառով շտապօգնության մեքենաների երթևեկությունը հաճախ դժվարանում է: Մասնավորապես, մոտոցիկլետներով պարամեդիկները կժամանեն ՃՏՊ-ի վայր: