Գիտնականները Լատվիայի տարածքում թաղված, հավաքչությամբ զբաղվող որսորդի գանգի մեջ հայտնաբերել են ժանտախտի հարուցչի՝ Yersinia pestis մանրէների հետքեր, նշվել է Cell Reports գիտական ամսագրի հոդվածում:
Ռիննյուկալնսի նեոլիթյան տեղանքի մնացորդները հայտնաբերվել են դեռ 19-րդ դարում: Գիտնականները հայտնաբերել են կնոջ և տղամարդու կմախքի մասեր: Երկրորդ համաշխարհային պատերազմից հետո աճյունները կորել են, բայց 2011 թվականին դրանք նորից հայտնաբերվել են: Ավելի ուշ տեղանքում հայտնաբերվել է ևս երկու աճյուն՝ տարեց տղամարդու և նորածնի:
Տղամարդկանցից մեկի գանգի ԴՆԹ-ի նմուշներն ուսումնասիրելիս հայտնաբերվել են Yersinia pestis- ի հետքեր. ըստ գիտնականների՝ տղամարդը կարող էր վարակվել կենդանուց:
Ինչպես հրապարակումից պարզ է դառնում, դա ժանտախտի ամենահին շտամներից մեկն է. գիտնականները ենթադրում են, որ այն պակաս վարակիչ էր՝ համեմատած հետագա տարբերակների հետ: