Ռուանդան ընդունել է Ֆրանսիայի նախագահ Էմմանուել Մակրոնի խոստովանանքն այն մասին, որ Ֆրանսիան պատասխանատվության բաժին ունի 1994 թվականին Ռուանդայում տեղի ունեցած ցեղասպանության համար։
Այս մասին Agence France-Presse-ին տված հարցազրույցում ասել է Ռուանդայի նախագահ Պոլ Կագամեն։
«Սա մեծ քայլ է և մենք պետք է ընդունենք այն»,- ասել է նա
Հիգշաբթի օրը Ռուանդա կատարած այցի ժամանակ Մակրոնը հայտարարել է, որ Ֆրանսիան պատասխանատվության իր բաժինն ունի այն բանում, որ չի կարողացել կանխել ցեղասպանությունը, բայց չի եղել ցեղասպանություն մասնակիցը։ AFP-ն հայտնում է, որ ֆրանսիական կողմը ներողություն չի խնդրել, ինչն ակնկալում էին այդ իրադարձությունների ժամանակ սպանվածների ընտանիքները։
Կագամեն իր հերթին առանձնահատուկ շեշտադրել է Ֆրանսիայի նախագահի այն խոսքերը, որ ցեղասպանություն իրականացնելու մեջ կասկածվողները չեն խուսափի դատավարությունից։
1994-ին Ռուանդայում տեղի ունեցած ցեղասպանությունը հետևանք էր այդ երկրում ժամանակավոր կառավարության ձևավորման։ Այդ կառավարության կազմում հիմնականում հութու տուտսի ցեղի և հութու ցեղի այն ներկայացուցիչների դեմ, որոնք այլ քաղաքական հայացքներ ունեին։ ՄԱԿ-ի տվյալներով՝ երկու ցեղերի միջև տեղի ունեցած բախումների հետևանքով մեկ տարում 800 հազար մարդ է սպանվել։
Ցեղասպանության նախաշեմին Ֆրանսիան աջակցել է ժամանակավոր կառավարության ղեկավարին։ Մասնավորապես աջակցել է պետական համակարգի ձևավորմանը, որը հետո մասսայական սպանությունների մասնակիցը դարձավ։
