Քաղավիացիայի միջազգային կազմակերպությունը (ICAO) հետաքննություն է սկսում՝ կապված Ryanair իռլանդական ավիաընկերության ինքնաթիռի արտակարգ վայրէջքի հետ։ Այս մասին ասվում է կազմակերպության հատուկ նիստի արդյունքներով տարածված հայտարարության մեջ, փոխանցում է TASS-ը։
«Խորհուրդը որոշել է հետաքննել այդ միջադեպը՝ պարզելու կատարվածի փաստերը և հասկանալու՝ տեղի ունեցե՞լ է արդյոք կազմակերպության անդամ որևէ պետության միջազգային ավիացիոն իրավունքի, այդ թվում՝ քաղավիացիայի մասին միջազգային կոնվենցիայի (Չիկագոյի կոնվենցիա) որևէ խախտում»,-նշված է փաստաթղթում։
ICAO-ի խորհրդի նախագահ Սալվատորե Շակիտանոն հայտարարել է, որ կազմակերպության քարտուղարությունը պետք է պարզի տեղի ունեցածի բոլոր փաստերը, ինչի հետ կապված շահագրգիռ անդամ-պետություններին քննության հետ սերտորեն համագործակցելու կոչ է արել։
