Քաղաքագետ Ստյոպա Սաֆարյանը ֆեյսբուքյան իր էջում գրել է. Ես ճիշտ էի հիշում ԱԽ նիստում վարչապետ Ն․Փաշինյանի խոսքը ԱԳ նախարարի հետ կապված։
Իր առաջարկությունը ձևակերպելուց հետո նա ելույթը եզրափակում է հետևյալ խոսքերով․
«Բացի այս առաջարկից, իհարկե մենք ակտիվ խորհրդակցություններ կսկսկենք մեր միջազգային գործընկերների հետ: Արտաքին գործերի նախարարի հետ արդեն այս թեմայով խոսել ենք և հույս ունեմ, որ մենք արդեն արագ հնարավորություն կունենանք անցնել առաջարկի իրագործմանը»:
Նրա այս խոսքերից ակնհայտ է, որ ԱԳ նախարարի հետ խոսել է իր հնչեցրած առաջարկությունը միջազգային գործընկերներին հասցնելու մասին։ Եթե ԱԳ նախարարը առարկություն հայտնած լիներ առաջարկի մասով, դժվար թե նա հրապարակավ խոսեր ու նման վստահություն հայտներ․․․
Հետևաբար, հարց է առաջանում, թե ինչը դրդեց ԱԳ նախարարին հրաժարական տալ․․․
Դեմ էր միաժամանակ և՛ Ռուսաստանին, և՛ ԵԱՀԿ-ին դիմելո՞ւն․․․
Միայն Ռուսաստա՞ն․․․
Միայն ԵԱՀԿ՞․․․
Կողմ է եղելի դեռևս սպասե՞լ ՀԱՊԿ-ի արձագանքին․․․
Այս հարցադրումներն եմ դնում, քանի որ Ռուսաստանի մասնակցությամբ դեմարկացիոն հանձնաժողովի նախագիծը հրապարակվեց Դուշանբեում ՀԱՊԿ ԱԳ նախարարների հավաքից Արա Այվազյանի գալուց հետո, իսկ Դուշանբեում Լավրովը հայտարարվել էր, որ Ադրբեջանն ու Հայաստանն արդեն դիմել են իրեն օգնության համար․․․ Իսկ դրա նախօրեին էլ Լավրովի տեղակալը հայտարարել էր, որ կօգնեն, եթե երկու կողմերը դիմեն․․․
Փաստացի, Փաշինյանի այսօրվա առաջարկը տարբերվում է նրանից, ինչը առկա էր հրապարակված փաստաթղթում․․․ Եթե այն վերաբերում է Ռուսաստանի մանակցությամբ ամբողջ Հայաստան-Ադրբեջան սահմանի դեմարկացիային, ապա Փաշինյանի առաջարկությունը վերաբերում է դրա մի հատվածի սահմանակետերի հստակեցմանը՝ կամ Ռուսաստանի, կամ ԵԱՀԿ աջակցությամբ․․․
Այվազյանը Ռուսաստանի հետ այլ բան էր պայմանավորվե՞լ /կամ նրան այլ բա՞ն էր ասվել, որ լինելու է/, իսկ Փաշինյանն այլ բա՞ն է անում․․․
Որտե՞ղ է թաղված շան գլուխը․․․
Ընդամենը անպատասխան հարցեր․․․
