Colonial Pipeline ամերիկյան ընկերությունը վերսկսել է իր աշխատանքը 1 շաբաթ դադարից հետո, հաղորդում է BBC-ն։
Ընկերության խողովակաշարի վրա կիբերհարձակումը տեղի էր ունեցել շորթող վիրուսի միջոցով, ինչն ընկերությանը ստիպել էր դադարեցնել աշխատանքը։ Դա հանգեցրել էր ամբողջ երկրում վառելիքի մատակարարումների խափանումների։
Արդյունքում՝ ԱՄՆ-ի հարավ-արևելքում խուճապային պահանջարկի պատճառով բենզալցակայանների գրեթե կեսը դադարեցրել էր աշխատանքը, վառելիքի գինը բարձրացել էր։
Բենզալցակայանների մոտ մեծ հերթեր էին գոյացել։
Մատակարարումների նորմալ ռեժիմին վերադարձը կտևի մի քանի օր։
8900 կմ երկարություն ունեցող խողովակաշարը սովորաբար օրական 2,5 միլիոն բարել վառելիք է տեղափոխում։
