Կան ներքին դերակատարներ, որոնք Մոսկվայի համար Հայաստանի վրա ճնշման միջոց են

Ռուսաստանի արտաքին գործերի նախարար Սերգեյ Լավրովը Հայաստան կատարած աշխատանքային այցի ընթացքում այցելել է Ծիծեռնակաբերդ Ցեղասպանության զոհերի հուշահամալիր, հարգանքի տուրք մատուցելով նրանց հիշատակին: Լավրովի այդ այցելությունը ուշադրության է արժանի թերևս նրանով, որ կարծես թե արարողակարգային անհրաժեշտություն չէր: Այսինքն, ՌԴ արտգործնախարարը Հայաստան է այցելել աշխատանքային ձևաչափով, իսկ Ծիծեռնակաբերդ այցելությունը Հայաստան ժամանող բարձրաստիճան պաշտոնյաների պաշտոնական ձևաչափով այցի արարողակարգ է: Ըստ այդմ, ՌԴ նախարարի այցը կարող ենք դիտարկել իբրև ժեստ: Հարցն այն է, թե ինչով է դա պայմանավորված: Թեմայի շուրջ «Առաջին լրատվական»-ը զրուցել է քաղաքագետ Ստեփան Գրիգորյանի հետ: