ՆԱՏՕ-ի գլխավոր քարտուղար Յենս Ստոլտենբերգը, նախքան պաշտպանության նախարարության ղեկավարների մակարդակով ԵՄ Խորհրդի նիստին մասնակցելը, ընդգծել է «Ուկրաինայի հետ սահմաններին չնայած որոշակի կրճատմանը Ռուսաստանի զգալի ռազմական ներկայության պահպանումը»:
«Մենք կքննարկենք նաև Ռուսաստանը, վարքի ագրեսիվ մոդելը՝ սկսած Բուլղարիայում և Չեխիայում հետախուզական վտանգավոր գործողություններից, վերջացրած ռազմական ներուժի զգալի աճով Ուկրաինայի սահմանների մոտ և այս երկրի տարածքում … Մենք տեսել ենք որոշ ռուսական ուժերի կրճատում, բայց տասնյակ հազարավորները մնում են»,- ասել է նա:
Գլխավոր քարտուղարի խոսքերով՝ Ռուսաստանի Դաշնությունը զգալի քանակությամբ սարքավորումներ ու զենք է պահպանում Ուկրաինայի սահմանների մոտ:
«ՆԱՏՕ-ն պետք է զգոն մնա և սերտորեն վերահսկի իրավիճակը»,- ասել է նա:
Ստոլտենբերգը շեշտել է, որ «Ուկրաինայի սահմաններում դեռ շատ ռուս զինծառայողներ կան, քան մինչ լարվածության վերջին սրացումը»: