Tuesday, 19 03 2024
Գարեգին 2-րդի տնօրինությամբ կարգալույծ է հռչակվել Մայր Աթոռ Սուրբ Էջմիածնի միաբան Տ. Վազգեն աբեղա Պետրոսյանը
Ճամբարակ քաղաքում թաց ձյան ծանրությունից տուն է փլուզվել
17:50
Իրանի նախագահը շնորհավորել է Պուտինին
«Ազգադավը դուք ու ձեր ողջ կուսակցությունն է, չեք կարողանում էլի». Ռուբինյանը` Արմենուհի Կյուրեղյանին
Ստորացված, խոնարհ ու անտրտունջ իշխանություն է, երբ խոսքը գնում է Ադրբեջանին պատասխանելու մասին
Վախենո՞ւմ եք Աբովյանի այդ մեծահարուստից. Արսեն Թորոսյանի ակնարկը՝ Ծառուկյանի մասին
Գազայում մահաբեր սով է
Սա ի՞նչ մտայնություն է՝ ուրանալ ամեն ինչ. ընդդիմադիր պատգամավորը՝ ՔՊ-ին
Եթե հանձնվի 4 գյուղերը, թշնամին կհայտնվի խորը թիկունքում, կկազմաքանդվի պաշտպանական գիծը
Պետք է թողնեք ու ռադներդ քաշեք, որ էս ժողովուրդն էլ ձեզնից պրծնի. Աննա Մկրտչյան
Այսօր մի քանի տասնյակ հերոսների մարմիններ սպասում են, որ քրիստոնյային վայել հուղարկավորվեն. Նազարյան
Փաշինյանի և Ստոլտենբերգի հայտարարությունը
17:30
Բլինքենը կայցելի Սաուդյան Արաբիա և Եգիպտոս՝ քննարկելու հրադադարը Գազայում
ԵՄ-ն 2022-ին արձանագրել է, որ ՀՀ ներխուժում է եղել, ցավոք, ՀԱՊԿ-ը չի արձանագրել այս մասին. Ռուբինյան
Քանի՞ դաշնակցական է վերջերս ձերբակալվել ռումբեր տեղադրելու գործով, լսել եմ` նման թեմա կա. Ալեքսանյան
Այն հատվածներում, որտեղ տեղակայված են ԵՄ դիտորդները, ունենք կայուն վիճակ. Արսեն Թորոսյան
Գորիս-Կապանի հանձնումից հետո Սյունիքի խոցելիությունը մեծացավ, նույնը կլինի Տավուշում
17:20
Չինաստանի նախագահը կայցելի Ֆրանսիա
17:18
OZON-ը Հայաստանի գործարարների համար կկազմակերպի իր առաջին բիզնես ֆորումը` COM.E ON FORUM Երևան
Կայացել է ՆԱՏՕ-ի գլխավոր քարտուղար Յենս Ստոլտենբերգի այցը Հայաստան
«Իշխանությունները պարտավոր են ներկայացնել սպառնալիքների, մարտահրավերների և ռիսկերի մանրամասն հաշվարկ». ՀԱԿ հայտարարություն
Հայաստանում ողբերգական ավտովթարների պատճառով մեկ օրում մահացել է 7 մարդ
Գազա 220 բեռնատար հումանիտար օգնություն է մտել
17:00
Live. «Առաջին լրատվական» տեղեկատվական-վերլուծական կենտրոն
Լիբիան փակում է Թունիսի հետ սահմանի հսկիչ անցակետը
Ամուսինը խանութում դանակահարել է կնոջը
Հայաստանն Իրանին է արտահանձնել 8 բանտարկյալի
Բաքուն սպառնում է Թբիլիսիին. կովկասյան պատերա՞զմ
431 հարկ վճարողի մոտ արձանագրվել է «Անկանխիկ գործառնությունների մասին» ՀՀ օրենքի պահանջների խախտում
Հատվածներ Տավուշի մարզի Ոսկեպարի բնակիչների հետ մարտի 18-ի` վարչապետ Փաշինյանի հանդիպումից

Ուրեմն 2008-ը խաղ էր. Տեր-Պետրոսյանը կհավասարվի Քոչարյանին ու Սերժին և կլինի նույնքան մերժելի

«Առաջին լրատվական»-ի զրուցակիցն է ՀԱԿ անդամ, ԵԿՄ վարչության անդամ, 7-ի գործով նախկին քաղբանտարկյալ Հակոբ Հակոբյանը  (Լեդի)։

-Պարոն Հակոբյան, Լևոն Տեր-Պետրոսյանը հրապարակավ Ռոբերտ Քոչարյանին ու Սերժ Սարգսյանին առաջարկում է «անկախ նախկինում ունեցած սկզբունքային տարաձայնությունները և սուր հակասությունները», առաջիկա ընտրություններին մասնակցել միասնաբար՝ «Ազգային համաձայնության դաշինք» անվանումը կրող ցուցակով: Ո՞նց եք գնահատում այս փաստը։ Ձեզ համար ընդունելի՞ է ավազակապետերի հետ համագործակցությունը։

-Ես դրան նախ չեմ հավատում և հետո մի 15 օր առաջ Հայ ազգային կոնգրեսի վարչությունից դուրս եմ եկել։ Նրանք բոլորը ինձ հարազատ են, բոլորից ներողություն եմ խնդրել և ասել եմ, որ դուրս եմ գալիս վարչությունից էլ, Կոնգրեսից էլ։

Այն պատճառով, որ որոշում է կայացվել Քոչարյանի ու Սերժ Սարգսյանի հետ համագործակցե՞լ։

-Այս ժամանակ դեռ նման խոսակցություններ չկար։ Ես այդ ժամանակ ասացի, որ եթե Լևոն Տեր-Պետրոսյանը անձամբ ընտրարշավին մասնակցի՝ ես կօգնեմ, նշանակություն չունի՝ Կոնգրեսից դուրս եմ եկել, թե ոչ։ Ես անձամբ իրեն հավատում էի ու եթե անձամբ ՀԱԿ-ը առանձին  մասնակցի ընտրություններին  էլի կօգնեմ, իսկ եթե առանձին չգնաց, այլ միավորվի նախկին նախագահների հետ, ապա ես նրանց հաստատ չեմ պաշտպանի։

Դուք երբևէ կարո՞ղ էիք պատկերացնել, որ Տեր-Պետրոսյանը կարող է համագործակցել Քոչարյանի ու Սերժ Սարգսյանի հետ, նրանց առաջարկել միասին մասնակցել ընտրություններին։

-Կրկնում եմ, ես  չեմ հավատում այդ առաջարկին, ես հրաժարվում եմ դրան հավատալ։ Իսկ եթե նման առաջարկ իսկապես եղել է,  ուրեմն ես  կարող եմ մտածել, որ 2008 թվականը խաղ էր։ Ախր, ես այն ժամանակ մանդատս դրեցի, դուրս եկա, կանգնեցի Տեր-Պետրոսյանի կողքը՝ դեմ լինելով Քոչարյանին ու Սերժ Սարգսյանին, որպեսզի ընտրություններին իրենք չանցնեն։ Ես եմ 7-ի գործով դատվել, դատվել են հարյուրավոր այլ քաղբանտարկյալներ։ Ու եթե հիմա Տեր-Պետրոսյանը նման առաջարկ է անում Քոչարյանին ու Սերժ Սարգսյանին, ուրեմն ես կարող եմ մտածել, որ դա խաղ էր։ Իմ պես էլ կարող են մտածել մյուսները։ 2008 թվականին իմ հետ  բազմաթիվ քաղբանտարկյալներ են եղել ու ես կարծում եմ, որ իմ ընկերներն էլ այդպես կմտածեն։

Այսինքն ՀԱԿ-ի անդամների, համակիրների համար չի՞ կարող ընդունելի լինել Քոչարյանի, Սերժ Սարգսյանի հետ համագործակցությունը։
-Այո, ես այդպես եմ մտածում։ Միանան Քոչարյանին ու Սերժ Սարգսյանին որ ի՞նչ անեն, ո՞ւմ դեմ պայքարեն։ Նիկոլ Փաշինյանի՞։

Այո, Տեր-Պետրոսյանն ասում է, որ «Փաշինյանի վարչախմբի վերարտադրությունը Հայաստանի և Արցախի համար շատ ավելի վտանգավոր է, քան նույնիսկ Ադրբեջանից և Թուրքիայից բխող հնարավոր կամ ենթադրյալ սպառնալիքները»։

-Ես չգիտեմ, թե ինքը ինչ է ասել, բայց կրկնում եմ, եթե Տեր-Պետրոսյանը միանձնյա գնար ընտրության, ապա ինքը ավելի բարձր ռեյտինգ կունենար, ավելի հեշտ կլիներ Ազգային ժողովում հայտնվել, քան եթե Քոչարյանի ու Սերժ Սարգսյանի հետ գնա։ Հակառակ պարագայում ինքը կդառնա նույնը՝ ոնց որ Քոչարյանը ու Սերժը։ Ժողովուրդը մերժել է նրանց ու եթե Տեր-Պետրոսյանը նման ծրագիր ունի, ապա կհավասարվի նրանց  ու ժողովրդի աչքին կլինի նույնքան մերժելի ժողովրդի կողմից։ Բայց նորից եմ ասում՝ ես չեմ հավատում, որ Տեր-Պետրոսյանը նման բան է արել։

Նիկոլ Փաշինյանը՝ նախկին նախագահներին արված Տեր-Պետրոսյանի առաջարկը որակեց որպես ավազակապետական հեղափոխության փորձ։ Համաձա՞յն եք այդ գնահատականի հետ։

-Ես մտածում եմ, որ հենց Նիկոլ Փաշինյանի թևն է այդպիսի բաներ անում, որպեսզի Լևոն Տեր-Պետրոսյանին վարկաբեկեն, որովհետև իրենք վախենում են ոչ թե Քոչարյանից կամ Սերժից, այլ Տեր-Պետրոսյանից, քանի որ նա ասելիք ունի։

Պարոն Հակոբյան, հասկանալի է, որ Դուք չեք ուզում հավատալ դրան, բայց առաջարկը պաշտոնապես արվել է Լևոն Տեր-Պետրոսյանի կողմից Հայ ազգային կոնգրեսին պատկանող լրատվական կայքում։

-Եթե դա ճշմարտություն է, ապա ես հակված եմ իմ առաջին տարբերակին, որ 2008 թվականը խաղ էր, որ իրենք միասնական են եղել, և որ Տեր-Պետրոսյանը կհավասարվի Քոչարյանին ու Սերժին։ Ինձ համար ինքը կդառնա նույն Քոչարյանը ու Սերժ Սարգսյանը։ Տեր-Պետրոսյանը դրա իրավունքը չունի։ Տեր-Պետրոսյանը կկորցնի իր ունեցած ձայներն էլ։ Մենք, հազարավոր տղաներ, քաղբանտարկյալներ բանտարկվել են, միավորվել են Տեր-Պետրոսյանին, բանտարկվել են քոչարյանասերժական ռեժիմի դեմ պայքարելու պատճառով։ Ու եթե այդքանից հետո Տեր-Պետրոսյանը ուզում է միավորվել նրանց հետ, ուրեմն ես էլ ոչ մի բանի չեմ հավատում։ Եթե այդպես է, ուրեմն մեր անցած տարիները, մեր մանդատները, մեր պայքարը, մեր կորցրած տարիները  իզուր էին։ Դրանք ո՞վ պետք է վերադարձնի, եթե Քոչարյանն ու Տեր-Պետրոսյանը միասին են հիմա։

-Իսկ Ձեր կարծիքով Նիկոլ Փաշինյանի իշխանությունը իսկապե՞ս այդքան վտանգավոր է, ինչպես բնորոշում է Տեր-Պետրոսյանը։

-Ես նորից եմ կրկնում՝ ես դրան չեմ հավատում և հետևաբար չեմ ուզում անալիզ կատարել իր ասածների վերաբերյալ։ Կրկնում եմ, եթե Տեր-Պետրոյնաը՝ ՀԱԿ-ը առանձին գնա՝ ես իրեն կպաշտպանեմ, իսկ եթե միացավ դրանց, ապա դա ինձ համար անընդունելի է։

Բաժիններ
Ուղիղ
Լրահոս
Որոնում