Մոսկվայում՝ Բլոխինի կենտրոնի վիրաբույժները եզակի վիրահատություն են կատարել: Նրանք հեռացրել են գրեթե 50 կիլոգրամ քաշով հսկա ուռուցք:
Հիվանդը պատմել է, որ 2 տարի առաջ հանկարծակի սկսել է գիրանալ, բայց միևնույն ժամանակ իրեն լավ է զգացել: Դիմել է բժիշկներին միայն շնչահեղձությունից հետո: Այդ ժամանակ որովայնի հսկայական գոյացությունն արդեն սեղմել է ներքին օրգանները ու անոթները:
Կրասնոյարսկի բնակիչ Դենիս Մուկովնիկովն իրեն արդեն լավ է զգում և դուրս է գրվել հիվանդանոցից։
Հիվանդանոցի տնօրեն, Ռուսաստանի գիտությունների ակադեմիայի ակադեմիկոս Իվան Ստիլիդի հայտարարությամբ՝ վիրահատությունը տևել է 3 ժամ։
Նրա խոսքերով՝ անհրաժեշտ էր, որ երեք առողջ, ուժեղ վիրաբույժներ պահեին ուռուցքը, որպեսզի ինքը կարողանար աշխատել որովայնի խոռոչի առանցքային հատվածների հետ:
