Վիտալի Ֆիլիպչենկոն` ծագումով ՌԴ Տոմսկ քաղաքից, մուտք է գործել ԱՄՆ ավելի քան 10 տարի առաջ: Նա ունի ԱՄՆ քաղաքացիություն, ունի իր սեփական առաքման ընկերությունը: Նյու-Յորքի քաղաքապետի ընտրություններին նա կմասնակցի որպես անկախ թեկնածու:
Նախնական ընտրությունները նշանակված են հունիսի 22-ին, ընդհանուր ընտրությունները տեղի կունենան նոյեմբերի 2-ին: Ներկայում քաղաքապետի պաշտոնը զբաղեցնում է դեմոկրատ Բիլ դե Բլազիոն։
«Ես հավակնում եմ քաղաքապետի պաշտոնին և չեմ փորձի դրանից շահույթ ստանալ: Շատերը հավակնում են քաղաքապետի պաշտոնին՝ պարզապես ինքնագովազդի, փող աշխատելու համար: Ես այլ մարդ եմ: Ես գործում եմ, ասենք, ինչպես Ռոբին Հուդը: Այսինքն ՝ ես ուզում եմ օգնել մարդկանց: Լինելով բիզնեսմեն և խնդիրներ տեսնելով` ուզում եմ դրանք լուծել ոչ միայն իմ, այլև բոլոր մարդկանց, ներգաղթյալների համար», – ասել է Ֆիլիպչենկոն ՌԻԱ Նովոստիին տված հարցազրույցում:
Առաջադրվելով այդ պաշտոնում՝ Ֆիլիպչենկոն հույսը դրել է ներգաղթյալների աջակցության վրա, քանի որ նրանք բոլորն իր նման անցել են ներգաղթյալի կյանքի բոլոր դժվարությունները:
